kryć (sie) – chować, ukrywać (pol.) Tyn Hajnuś zaś bezmała nabroł piniyndzy ôd ludzi, a teraz sie musi przed nimi kryć, bo niy mo na ôddani. Ciekawe kaj te Dzieciōntko kryje te geszynki przed Wilijōm? Niy musisz sie kryć, bo i tak cie widza.
kryncić (sie)- kręcić (pol.) Krynć mi tōm klukōm, bo mi rynkōw brakło. W kero strōna to kryncisz, dyć mosz zakryncać, a ty to zaś ôdkryncosz. Jo byda krynciōł kluczym, a ty mi trzimej ta muterka, co sie niy bydzie zwyrtała.
krzcić (sie) – chrzcić (pol.) POL: udzielać sakramentu chrztu św. SI: Ciebie gupi farorz niy krzciōł. PL: Ciebie głupi ksiądz nie chrzcił. SI: Kedy chcecie te dziecko krzcić, na co czakocie tak dłōgo? PL: Kiedy chcecie to dziecko chrzcić, na co czekacie tak długo?
kuć – kuć (pol.) Sam mosz młotek i majzel a kuj podle tej cechy dziura na ôkno. Ty skryncej już te ruły, a jo byda kuł w betōngu dziura na gulik. Trzi dni żech kuł ta dziura na dźwiyrze w tym betōngu.
kucać – kaszleć (pol.); Husten (ger.); kašlat (cze.); cough (eng.) Cōż tak kucosz, dyć wejź sie jakiś lyki. Jo żech była kucała caly miesiōnc, aż żech se zrobiyła syropu z cebule. Niy kucej mi sam tak, yno lygej pod pierzina.
kudłaczyć (sie) – mierzwić wlosy (pol.) Dzisiej w nocy byda chyba spała na siedzōnco, coby se włosōw niy pokudłaczyć. Niy kudłacz mi tych wlosōw. Piyrsze se ôbleka klajd, a dziepiyro potym puda do fryzjerki, co se już wlosōw niy pokudłacza.
kudlić (sie) – ciągnąć na włosy (pol.) Jo chca, żeby mie tata czosoł, bo ty mie za fest kudlisz. Mamo, a Zofijka mie kudli. Jeszcze roz jōm bydziesz kudłōł, to dostaniesz po pazurach.
kulać (sie) – toczyć, turlać, wałkować (pol.) Pōdź mi sam pōmōc kulać kluski. Jo byda kulać nudle, a ty już kryj te piyrsze, co niy przeschnōm za fest. Siednij se kōnsek dalij, a bydymy se kulać bal tam a nazod.