Archives

fajlować (sie) – piłować pilnikiem (pol.)   Sam mosz fajla a fajluj tak dłōgo, aż wyfajlujesz nowy klucz, kej żeś tyn stary połōmoł. Kery sam tyn kōnsek fajlowoł, że to je taki krziwe? Musisz tak dłōgo fajlować, aż ta sztuba wlezie do tej dziury w pojstrzodku.    

fanzolić (sie) – pleść głupstwa, bzdury (pol.)   SI: Cōż to zaś fanzolisz, byś sie niy wygupioł. PL: Cóż to znowu za bzdury pleciesz, byś się nie wygłupiał.   SI: Niy fanzol mi sam. PL: Nie pleć mi tutaj bzdur.   SI: Ôna dycko tak fanzoli, tōż jo już jōm ani niy słōchōm. PL: Ona […]

farbić (sie) – barwić, kolorować (pol.)   Bez zima byda farbiōł te koło na czerwiōno. Sam mosz pyndzel a farb ta fōrtka na zielōno, yno niy ciaprej sie za fest. Farbiymy płot na modro.

fedrować – sprężynować, wydobywać węgiel (pol.) POL: (1) sprężynować; (2) wydobywać węgiel. W naszej familiji piyrwej wszystki chłopy fedrowały na grubie, ale teraz sie to pomiyniyło a ciynżko je znojś chociaż jednego bergmōna. Przidepnij mi tam na kōniec deski, bo mi to fedruje i niy poradza jōm przibić. Trzimej ta szruba a niy ruszej, bo […]

ficować (sie) – cerować (pol.)   Dzisiej żodyn niy ficuje fuzekli, yno idzie do sklepu a kupuje nowe. Sam mosz grzibek, wełna, a poficuj se te łokcie we cwitrze, a niy chodź w dziurawym. Poficowała żech ci te fuzekle, po chałupie to mosz dobre chodzić.

filować (sie) – nadziewać, napychać (pol.)   Czym filujeie te kreple, że sōm taki dobre? Jo filuja te kotlety grzibami. Do kuglagrōw trza filować dużo szmyry, coby na sucho sie niy krynciyły.

flancować (sie) – rozsadzać sadzonki (pol.)   My dycko flancujymy swoji ôgōrki a tōmaty. Jo tatoś tyż byda flancowała swoji tōmaty, mōm już nasiōna z Holandyje. Jo żech dycko była flancowała swoji tōmaty, ale latoś żech była choro, tōż musza kupić flance z torgu.

flekować (sie) – plamić (pol.)   Czym ty flekujesz te koszule, że ich niy idzie doprać? Jak bydziesz tak flekowała te kecki, to se ich bydziesz sama prała. Kery tak flekuje tyn tepich? Niy idzie to dać trocha pozōr?  

flikować (sie) – łatać, kleić (pol.) POL: łatać, kleić dętkę, materac.   Jako ty to jeździsz? Dyć ôtok żech ci flikowoł tyn szlauch, a zaś mosz pana. Tam mosz urwany wyntil, tōż niy byda tego flikowoł, yno trza kupić nowy szlauch. Dzisio już żodyn szlauchōw niy flikuje, yno kupuje nowe.  

flostrować (sie) – plastrować (pol.)   Jak sie tak bydziesz przewracoł, to za chwila trza bydzie cie całego zaflostrować. Niy flostruj mu już tego kolana, bo to już mu sie piyknie zagojyło.