Archives

folować (sie) – ładować, napełniać (pol.)   Nafoluj mi tyn fojercojg gazym, bo jo niy poradza. Sam mosz miechy, foluj ich sianym, a pudymy do lasa zaniyś sornikōm.  

fōndnyć (sie) – ufundować, zafundować (pol.)   Ugodali my sie z babōm, że latoś fōndnymy se rajza do Egiptu. Na wiosna fōndna se nowe koło,  a byda na nim jeździōł do roboty. Fōndnij mi piwo, jutro ci wrōca.

fōngować – funkcjonować, działać (pol.)   SI: Coś mi tyn zygarek niy fōnguje, musza go zaniyś do zygarnika. PL: Coś mi ten zegarek nie funkcjonuje, muszę zanieść go do zegarmistrza.   SI: Dycko to tak fōngowało, a terazki coś sam niy pasuje. PL: Zawsze to tak funkcjonowało, a teraz coś tutaj nie pasuje.   SI: […]

forskać – parskać (pol.)   Mioł żeś czysty tyn kibel? Ta koza jakoś forsko, a niy chce pić tej wody. Jak chcesz psikać, to sie ôbrōć w drugo strōna, a niy forskej mie.

forsknyć – parsknąć (pol.) Starzik byli aże forskli, jak usłyszeli, że ujec chce sie chycić roboty. Jak żech słōchoł tego małego te wice godać, to żech aż forsknōł ze śmiychu.

forsztelować (se) – wyobrażać sobie, przedstawiać sobie (pol.)   SI: Jako ty se to forsztelujesz, że jo byda do śmierci na cia robiōł? PL: Jak ty to sobie wyobrażasz, że ja będę do śmierci pracował na ciebie?   SI: Jo se tego niy poradza forsztelować. PL: Ja sobie nie potrafię tego wyobrazić.    

frōnkać – ciskać, rzucać gwałtownie (pol.)   Niy frōnkej tak tym ôknym, bo szyba wyszklisz. Kery tymi dźwiyrzami tak frōnko? Czy to niy idzie przitrzimać tej klamki?  

frōnknyć – cisnąć, rzucić gwałtownie (pol.) Bōł tak frōnknōł  na delōwka tym gorkim tyglym, aże glyjta ôdskoczyła. Niy widziała żeś kaj aszynbechra? Ja, frōnkła żech nim bez ôkno.

fuczeć – sapać, dyszeć (pol.)   Cōż tak fuczysz, choćbyś ściepoł fōra wōnglo do pywnice. Jak jo wyleza po schodach, to zaroz fucza. Wybroł żech sie ôtok na kole do budki po gazety, a potym żech pōł dnia fuczoł.  

fujać – zawiewać śniegiem (pol.)   Niy wylazuj na dwōr, bo tam tak fest fujo śniegym. Była bych prziszła wczora na wiesiady, ale tak fest fujało śniegym, że dałach se pokōj. Jutro bezmała mo fujać śniegym, a jo musza jechać autym do miasta.