Archives

fulać – pleść bzdury (pol.)   Co zaś to fulosz za gupoty tym dzieciom? Skōńcz już fulać, bo cie niy idzie słōchać. Fulosz, jak mulorz, a malty niy mosz.  

furgać – fruwać (pol.)   Kery zaś ôstawiōł te ôkno otwarte? Wiela sam kopruchōw furgo. Ôtok sam furgoł taki fajny kolorowy ptok. Te boczōnie już majom piyrzi. Hned bydōm zaczynały furgać.

furgnyć – ufrunąć, przefrunąć kawałek (pol.)   Jo se szoł po cichu miedzōm a słōchoł ptokōw, a ôroz mi furgnōł fazan spod nōg. Wiyszała żech dzisio prani na gôrze, bo na dworze sipi, a ôroz mi furgły jakiś dwa ptoki nady mnōm, a możno myntopyrze.

futrować – karmić zwierzęta (pol.)   Futrowoł kery dzisio te ryby, abo zaś sōm tydziyń bez żarcio? Stowej, bo trza iś krowy futrować. Tyn tydziyń jo byda futrowała koza rano, bo mōm na drugo, a ty we wieczōr.  

fyrlać – mieszać, mącić mątewką (pol.)   Sam mosz, fyrlej te ciasto, a jo już naszykuja forma na zista. Fyrlej ta zupa rogolkōm, co tyn ańlauf sie rozmiyszo.  

fyrtać – wariować, wygłupiać się (pol.)   Niy pij wiyncyj, bo potym zaś bydziesz cało noc fyrtała. Kery to tam wczora tak fyrtoł cało noc?  

gańbować sie –  wstydzić się (pol.) Jo żech sie dycko była gańbowała, jak żech sie miała trefić z kim cudzym. Jo sie gańbuja, jak mōm wylyź na bina. Niy musisz sie gańbować, sam sōm sami swojscy ludzie.  

garusić  – bałaganić (pol.); kleckern, Unordnung schaffen (ger.); flákat se (cze.); mess around (eng.) Kery sam tak garusiōł? Niy garuś sam tak, bo za chwila bydziesz to schranioł.  

gasić (sie) – gasić, wyłączać (pol.) POL: (1) gasić pożar; (2) gasić wapno; (3) wyłączać światło; (4) wyłączać wyłącznikiem,radio, telewizor, silnik,jakies urządzenie. Gasza tyn motōr a dychnymy se chwila. Gaszymy światło a idymy spać. Fojermany przijechały a gasiyły trowa. Jo mōm za wami gasić tyn telewizōr?    

gerować – fermentować (pol.)   Czamu niy jycie tych śliwek? Ône już tam gerujōm. Niy jydzcie już tej moczki, bo óna geruje, a trza jōm wyloć. Te śliwki ci już tam zaczynajōm gerować, hned bydzie wino.