Archives

gyrcnyć (sie) – beknąć (pol.) Tak mi sie było gyrcło, aż mi wszystko do nosa wleciało. Jak tyn chłop kole mie gyrcnōł, to mi sie zarozki jeś ôdechciało.  

gzuć – pędzić (pol.)   Wiysz, jak jo gzuł na tym mopliku, a te kopruchy mi wlatowały miyndzy zymby. Niy gzuj tak, przeca mōmy czas. Jo żech tak gzuł, bo żech niy chcioł przijechać za niyskoro.  

hajcować (sie) – palić w piecu (pol.) Hajcuj tam, bo zima je. Jutro niy byda hajcowoł, bo mie niy bydzie w dōma. Niy chce mi sie hajcować, tōż trza wlyź pod pierzina.    

halać (sie) – głaskać (pol.); streicheln (ger.); hlazení (cz.); to caress (eng.)   Niy halej tego psa, bo cie może ugryź. Tyn kōń je spokojny a do sie halać Tak dłōgo bydziesz haloł ta koza, aż cie kedy bodnie.  

halatać – narzekać (pol.) POL: halatać można na coś, ale nie na kogoś.   SI: Ty dycko halacesz, a potym napiszesz najlepszy klasōwka. PL: Ty zawsze narzekasz, a potem napiszesz najlepszą klasówkę.   SI: Niy halatejcie, bo ta pogoda niy ma tako zło. PL: Nie narzekajcie, bo ta pogoda nie jest taka zła.   SI: […]

hamować (sie) – hamować, , zwalniać; powstrzymywać (pol.) POL: (1) hamować zwalniać szybkość, obroty: (2) powstrzymywać  się od działania, mówienia.   Hamuj sie, a niy godej tela. Kebyś hamowoł za wczasu, to byś niy wjechoł do tego ôkolnika.. Niy możesz hamować na szlag, bo je gładko a ukełzniesz.

hauzyrować – grasować, łazikować (pol.)   Hauzyrowoł sam ôtok taki jedyn po wsi, ale go bezmała policyjo wywiōzła, tōż sie wiyncyj niy pokozoł na razie. Musza chodzić kożdy wieczōr po cera na autobus, bo sam bezmała hauzyrujōm po wsi jakiś gizdy. Padōm ci, zamykej na noc ta szopa, bo sam hauzyrujōm roztomańte lebry.

heblować  – heblować (pol.) Jutro byda heblowoł, tōż ci ôhebluja te pora desek. Wczora żech heblowoł, tōż mōm rocha heblowin do hajcowanio. Jo cołki życi hebluja, ale pazury mōm na razie całe.

heklować (sie) – szydełkować (pol.)   Bez zima niy mōm co robić wieczorami, tōż hekluja serwety. Poradziz ty heklować? Potrzebuja tako mało serwetka na stōł.

hrubnyć – grubnąć (pol.)   SI:  Synku, niy jydz tela, bo ty we ôczach hrubniesz. PL: Chłopcze, nie jedz tyle, bo ty grubniesz w oczach.   SI: Jo niy moga jeś tela słodkigo, bo za fest hrubna, PL: Ja nie mogę jeść tylu słodyczy. bo za bardzo grubnę.