Archives

pozesuwać (sie) – pozsypywać (pol.)   Dej pozōr, aż niy pozesuwosz tych piernikōw z talyrza. Doczkej, pozesuwōm ta sōl do jednej biksy, niech sie niy poniewiyro sam tela tych bojtlōw. Pozesuwej te resztki z talyrzōw do ślywkōw.  

pożgać (sie) – pokłóć, pobóść (pol.)   Niy chodź tam, bo ci e te ôsy pożgajōm. Kaj to tyn madrac po tym hasiu cōngniesz, dyć go cały pożgosz. Jak mi jeszcze roz bydziecie grali tym balym we grzōndkach, to wezna nōż a wōm go pożgōm. Dej pozōr, co cie te ôstrażnice niy pożgajōm.  

pozgrzybać (sie) – pozgarniać (pol.) POL: Pozgarniać na stertę, pryzmę np. węgiel, piasek   SI: Pōdź już dudōm, jutro to pozgrzybōmy, a pozamiatōmy plac. PL: Chodź już do domu, jutro to pozgarniamy, a zmieciemy podwórko.   SI: Jak pozgrzybōm po was tyn puc ze ziymie, to bych jeszcze pōł ściany ôpucowoł. PL: Jak pozgarniam po […]

poznać (się) – poznać (pol.)   Kej byś sie niy była ôdezwała, to jo bych cie mozno niy poznała. Poznosz, kere strzewiki sōm twoji? Jo jeszcze niy poznōm na zygarku, tōż niy wiym, wiela je godzin.  

pożniwować – pożniwować, zakończyć żniwa (pol.)   My już latoś pożniwowali, bo niy mieli my tego za dużo. Jak pożniwujymy, to planujymy wybrać się na dwa tydnie do gōrōw. Jak pożniwuja, to przida ci pōmōc przi budowie.  

poznojdować (sie) – poznajdywać (pol.)   Kery mi sam narobiōł takigo miszmaszu, dyć jo sie sam niy poznojduja ani za tydziyń? Tak dłōgo bydzieie szukać, aż poznojdujecie te tajle, co żeście potraciyli.    

poznować (sie) – poznawać (pol.)   Jo niy poznowōm tych kurzōnt, kero je kurka, a kery kokot. Poznowosz ta drōga, jadymy dobrze, abo my co pomylili?    

pozrobiać (się) – zrobić (pol.) POL: zrobić kilka rzeczy   Niy moga iś z wami na szkata dzisiej, bo musza sam jeszcze pozrobiać pora rzeczy przi chałupie. Zaroz ci to pozrobiōm, yno dopija ta kawa.

pozwołować (sie) – pozwoływać (pol.) POL: pozwoływać, zwołać więcej, niż jednego człowieka, zwierzę w tym samym czasie w to samo miejsce.   Gynś pozwołowała pilynta do gniozda, a pokryła ich pod krzidła. Jo pozwołuja kury do kotyka, a ty zawrzij za nimi fōrtka, co zaś niy ucieczōm. Rechtorka pozwołowała szkolorzōw z placu a zakludziyła ich […]

pozwōnić (sie) – podzwonić (pol.) POL: podzwonić, wykonać kilka telefonów.   Pozwōniyła żech po wszystkich babach a zebrało sie nas na wartko siedym na te szkubani. Musisz pozwōnić po sklepach a sie popytać, wiela co kosztuje. Jo pozwōnia po kōmplach, a zebiera ludzi na szpil na wieczór.