Archives

podciepać – podrzucić (pol.) POL: podrzucić, poprzez wielokrotne rzucenie.   SI: Podciepoł żech dzisiej tyn piosek pod mur, yno go zaś zarozki niy rozciepcie. PL: Podrzuciłem dzisiaj ten piasek pod mur, tylko go znowu zaraz nie rozrzućcie.

podciepany – podrzucony (pol.) POL: podrzucowy, poprzez wielokrotne rzucenie np łopatą.   SI: Tyn piosek je podciepany pod mur, yno go zaś zarozki niy rozciepejcie. PL: Ten piasek jest podrzucony pod mur, tylko go znowu zaraz nie rozrzućcie.    

podciepnyć (sie) – podrzucić (pol.)   Mamo, my wōm za chwila podciepnymy dzieci, bo muszymy skoczyć do sklepu. Kery mi sam zaś podciepnōł te zmazane szolki, zamias ich umyć? Podciepnij mi kedy ta popsuto bormaszyna, to sie na nia podziwōm,  

podciepnyty – podrzucony (pol.) POL: podrzucony, poprzez jednorazowy podrzut w całości.   SI: Koło było ukradziōne a potym podciepnyte na farze u farorza. PL: Rower był skradziony, a pōźniej podrzucony na probostwie u księdza.   SI: Flaszka podciepnyto trza chycić, coby sie niy strzaskała. PL: Butelkę podrzuconą trzeba złapać, żeby sie nie potłukła.  

podegnyć (sie) – podgiąć (pol.) POL: podgiąć pod spód.   Pōdź, podegnymy ta blacha pod spodek, co sie kery niy urznie.            (cz: ur-znie) Tyn kant blachy trza podegnyć pod spodek, co bydzie mocniejszo, a niy bydzie tako ôstro.      

podeprzyć – podeprzeć (pol.)   SI: Zamias sprawić tyn połōmaty płot, to ôn go yno jakimś patykym podeprzōł. PL:  Zamiast naprawić ten połamany płot, to on go tylko jakimś patykiem podparł.   SI: Jo żech podeprzyła te dźwiyrze, coby ich przeciōng niy zawiyroł, tōż zawrzij ich za chwila. PL: Ja podparłam te drzwi, żeby przeciąg […]

podeptać (sie) – podeptać pol.)   Niy podeptej mi sam tych grzōndek. Kery mi sam podeptoł po tym świyyżym betōngu? Pozbiyrej te graczki z delōwki, bo ci ich kery podepce.        

poderznyć (sie) – podciąć (pol.)   Przidziesz mi ryby pozbijać, bo jo niy poradza poderznyć żodnej gowiedzi.      (cz: poder-znyć) Kokotowi trza łeb siykyrōm ôdrōmbać a niy poderznyć         (cz: poder-znyć) Sam sie terazki naskludzało tela gizdōw, aż strach wylazować w nocy, że cie kery poderznie.   (cz: poder-znie)

podginać (sie) – podginać (pol.) POL: podginać, zaginać pod spód.   Podginejcie te końce drōtu, co sie kery niy bodnie. Te kônce blachy trza podginać, co sie kery niy urznie na rancie.    (cz: ur-znie) Jo byda podginoł ranty z tej blachy, bo sie boja, że dzieci co narobiōm, a sie porznōm.    (cz: por-znōm)

podgryź (sie) – podgryźć (pol.)   Jak bych bōł chyciōł tego, co mi te auto podropoł, to bych go chyba bōł podgryz. Ôtok zaś sam sōmsiadowi coś kura podgryzło. Nornica mi taki piykne tulpy podgryzła w wszystki uschły.