Archives

podgryzać (sie) – podgryzać (pol.)   Nornica mi sam sztyjc podgryzajōm te kwiotki. Lis mi sam loce a podgryuzo kury, jak yno zapōmnia zawrzyć kurnik.  

podjechać (sie) – podjechać (pol.)   Starziku siedźcie, jo podjada pod same dźwiyrze, a jak wysiedniecie, to cofna. Dej pozōr, co niy podjedziesz za blisko ôkolnika, a niy urwiesz zdrzadełka. Czakej przi chałupie, bo jo podjada po ciebie. Szofer podjechoł pod sama sala, tōż my niy zmokli.  

podjyżdżać – podjeżdżać, uślizgiwać (pol)   Te strzewiki mōm taki gładki, że sztyjc podjyżdżōm, tōż boja sie, że ukełzna a sie przewrōca. Niy podjyżdżej tak blisko, bo jak te auto zabrynzuje, to bydziesz mu siedziała we zadku. Kery podjyżdżoł tym autym tak blisku ku tej ścianie?    

podkuć (sie) – podluć (pol.)   Po niedzieli wōm prziwieza tyn wōngel, bo piyrsze musza konia podkuć. Coś mi sie niy podobo, że tyn kōń jakoś chrōmie ôd tego czasu, jak my go podkuli. Pōdź zy mnōm, bo my sie ugodali z kowolym, że podkujymy dzisio tego konia.

podopisować (sie) – podopisywać (pol.)   Wejźcie, podopisujcie sie sam jeszcze na ta lista, kery chciołby jechać na tyn pōnć. Dej, ci sam jeszcze podopisuja, co mosz kupić. Podopisuj se: kilo soli, fōnt masła a kołki.  

podosuwać (sie) – podosypywać (pol.)   Podosuwej do tych miechōw po trosze, bo tam jeszcze trocha wlezie. Pōdź, podosuwōmy jeszcze trocha do tych kibli, bo niy byda z prōznymi chodziōł.  

podować (sie) – podawać (pol.)   Jo ci byda podowała te szolki z byfyja, a ty kładź ich sam na stole. Stanymy we raji, a bydymy se podować te cegły z rynki do rynki. Ôni mi podowali te snopki na widłach a jo ich kłod na wozie a udeptowoł.

podpisać (sie) – podpisać (pol.)   Sam sie jeszcze musicie podpisać. Chcesz, to mu podpisz, ale jo mu niy podpisza tej zgody na prawo jazdy na motorcykel. Kery sie sam podpisoł pod tym pismym?

podpiyrać (sie) – podpierać (pol.)   Starziku, dyć wejźcie se ta kryka, to wōm sie lepszy pudzie, jak sie bydziecie niōm podpiyrać. Latoś jabka majōm tela ôwocōw, że trza te asty podpiyrać, coby sie niy połōmały. Chałupa sie nōm tak buli skuli szkodōw gōrniczych, że trza jōm podpiyrać sztajfami .  

podrazić (sie) – podłożyć (pol.)   Podroź se jako gazeta pod ta biksa, bo mi cołko delōwka uciaprzesz. Jo zadźwigna ta deska, a ty tam podroź kōnsek klinka, co bydzie bardziyj do wogi. Trza było podrazić kōnsek papyndekla pod te miechy, coby niy leżały na betōngu.