Archives

połōmać (sie) – połamać (pol.)   Kaj to tam skoczecie po tej szopie, chcecie szłapy połōmać. Tak mie ôtok połōmało, że już trzeci dziyń niy stowōm z łōżka. Co sie to sam stało, kery te strōmiki tak połōmoł?  

polotać – pobiegać (pol.)   Idź, polotej se trocha po placu, yno niy chodź ku wrotōm, a niy wylazuj na droga. Ida se polotać trocha z psym po lesie. Puś tego psa, niech se trocha poloce po placu.

położyć (sie) – położyć, postawić (pol.)   Połōż ta gazeta tam na fachu. Starziku, spōmnijcie se, jak żeście se położyli te brele. Jo ci położa te klucze sam na ôkno. Możesz se wziōnś tyn szraubyncjer, kej go potrzebujesz, ale połōż go potym tam, skōnd żeś go wziōn. ,  

polygać – pokłaść się (pol.) POL: pokłaść się, ułożyć się do snu więcej osób.   My sam polygōmy bele kaj na delōwce, na madracach, a jutro pudymy dalij. Ledwa my byli polygali, to zaczło rzgmieć, a zaczła sie burza. Polygejcie se sam na tych leżankach, a my pudymy do drugij izby.  

polywać (sie) – polewać (pol.)   Jak bydziecie tak polywać tymu starzikowi, to ich za chwila poniesiecie dudōm. Polywo sam kery, abo idymy dudōm. Polywej tyn betōng, co niy spynko.  

pomacać (sie) – podotykać, pościskać (pol.) POL: podotykać palcami, wyczuć dotykiem.   Kej żeś pomacoł tyn piernik, to se go wejź, a niy macej drugigo. Pomacej yno tyn sztof, czy ni ma za hruby na klajd. Ty musisz wszystko pomacać, bo byś bōł chory, pra.

pomamlać (sie) – poślinić, possać, pooblizywać (pol.)   Dziwej sie, co ôn zaś robi, cały rōg ze serweta pomamloł. Kej żeś pomamlała tyn bōmbōn tōż go zjydz, a niy mie dowej. Ty musisz kożdy bōmbōn pomamlać a ôstawić.

pomaścić (sie) – potłuścić (pol.)   Jo ci ôdsedza te kartofle, a ty ich pomaść a pogniyć. Pomaść ta brōutzupa, bo to mosz sama woda a chlyb. Pomaściyła żeś ta kapusta, abo żeś zapōmniała?  

pomaszkecić – pozjadać słodkości, połasuchować (pol.)   Jak żech yno przestoł kurzić, to sztyjc bych coś pomaszkeciōł, a brzuch rośnie. Ufyrlej jako zista, bo bych tak co pomaszkeciōł ku kawie. Kup tam co we sklepie, jaki szkloki, bo bych tak co pomaszkeciōł.

pomatłać (sie) – poplątać (pol.)   Wejź tym dzieciōm ta wełna, bo ci jōm pomatlōm. Dej pozōr, co ci tyn kot niy pomatle tej wełny, bo si enôōm bawi. Niy pomatłejcie mi tych nici.