Archives

pokiwać – pomachać (pol.)   SI: Tyn chłop mi pokiwoł, tōż żech zarozki uciykła. PL: Ten mężczyzna mi pomachał, więc zaraz uciekłam.   SI: Pokiwej tymu autobusowi, możno stanie. PL: Pomachaj temu autobusowi, może się zatrzyma.   SI: Pokiwoł bych ji, ale mie je gańba. PL: Pomachałbym jej, ale się wstydzę.

poklackać – poklaskać (pol.)   Poklackejcie mu, niech sie raduje. Poklackali my mu, bo taki piykny wierszyk pedzioł. Ludzie mu zaczli klackać, tōż musioł zaśpiywać jeszcze roz.

poklynkać – poklękać, uklęknąć więcej osób (pol.) POL: uklęknąć, więcej niż jedna osoba.   Poklynkali my, a zaczli my rzykać. Poklynkejcie, a porzykōmy za starki a za starzika.

pokopać (sie) – porazić prądem (pol.) Dej pozōr, az cie niy pokopie tyn sztrōm. Wola wykryncić zicherōngi, jak by mie miało pokopać. Chyciōł żech sie kabla mokrōm rynkōm, tōż mie pokopało.  

pokorać (sie) – pokarać (pol.)   Niy godej za dużo, co cie Pōnbōczek niy pokoro. Tak żeś skokoł, aż cie pokorało.

pokosztować – pokosztować, popróbować, posmakować (pol.) POL: pokosztować, popróbować, posmakować jedzenia.   Tela styknie, bo chca jeszcze inkszych maszketōw pokosztować. Pokosztuj po kōnsku kożdej zisty. Pokosztowała żech wszystkiego, a najlepsze je te ciasto z ajerkōniakym.  

pokozać (sie) – pokazać, okazać, ukazać (pol.) POL: (1) pokazać coś komuś; (2) okazać, np. dokumenty; (3) okazać się; (4) ukazac się, np. słońce, tęcza     SI: Pōdź, ci pokoża, jako mosz te knefle prziszywać. PL: Chodź, pokażę ci, jak masz przyszywać te guziki   SI: Jo żech pokozała Zofijce, kaj żech tyn klucz […]

pokroć (sie) – pokroić (pol.)   Jo żech ci sam pokroł ta bania, yno musisz jōm terazki uwarzyć. Pokryj mi sam na wartko ta cebula, yno niy płacz przi tymu. Siednij sam przi mie, a pokrejymy ta jarzina do szałotu.

pokrōnżać – poszatkować (pol.)   Musisz mi pōmōc pokrōnżać ta kapusta, bo jo sama niy dōm rady pokrōnżac tela głōwek. Jo pokōnżōm t akapusta i jōm przistawia na blacha, a ty jōm uwarzisz. Jako żeś to pokrōnżoł ta kapusta, dyć to mosz choćby ze szrōtownika.  

pokroty – pokrojony (pol.)   SI: Mosz już pokrote te jarziny do szałotu? PL: Masz już pokrojone te warzywa do sałatki?   SI: Kup pokroty tyn chlyb. PL: Kup pokrojony ten chleb.   SI: Ta bania już je pokroto, yno musisz jōm uwarzić. PL: Ta dynia jest już pokrojona, tylko musisz ją ugotować.