Archives

pohalatać – ponarzekać (pol.)   Starzik radzi by pohalatali, ale żodnyn ich niy słōchoł. Dyć se pohalatej, jak ci to mo pōmōc.    

poheftować (sie) – pospawać, poszyć prowizorycznie (pol.) POL: pospawać, poszyć prowizorycznie, „połapać”.   Piyrsze ci to poheftuja, a potym to jeszcze roz namierzymy i dziepiyro potym to poszwajsuja do porzōndku. Poheftuj mi na wartko ta kelnia, bo żech jōm połōmoł, a mi malta stwardnie w kalfasie.

pohuśtać (sie) – pohuśtać (pol.)   Terazki mosz prōzno tam ta huśtaczka, tōż leć wartko sie pohuśtać. Siednij, a jo cie pohuśtōm, yno trzimej sie. Starka pohuśtali mie dzisiej na takij fajnej wielkij huśtaczce we parku.

pojechać – pojechać (pol.)   Była bych pojechała na pōnć do Fatimy, ale niy dostałą żech urlopu z roboty. Jutro pojada z tobōm do tego sklepu, bo dzisiej mōm robota przi aucie w garażu. Chłop pojechoł do sanatorium, tōż mōm pora dni czasu a prziszła żech na wiesiady.      

pojeździć – pojeździć (pol.)   Pojeździōł żech dzisiej trocha tym nowym trachtorym, ale to je tak, choćby sie przesiednyć z malucha do Mercedesa. Jutro po ôbiedzie pudymy pojeździć na sōnkach. W niedziela wezna koło, a pojeżdża sam trocha po lesie.  

pojrzeć – wejrzeć, spojrzeć, rzucić okiem (pol.)   Jo ida na dwōr, pleć grzōndki, a ty pojrzij tam za chwila, co te dzieci tam robiōm. Pojrzij za chwila na te rolady, co sie niy spolōm. Pojrzij sam yno na te pismo, czy tam niy ma jakich felerów.    

pokapować (sie) – zorientować, domyślić (pol.) Ty bydziesz tak dłōgo tatowi te cygarety podbiyroł, aż sie kedy pokapuje. Wszyscy sie już sam pokapowali, co to je za niyrobisz z tego Jorgusia, tōż ôd żodnego niy dostanie na piwo. Jo sie niy poradza pokapować, kaj tam trza co poprziciskać w tym mobilnioku.  

pokazować (sie) – pokazywać (pol.)   Pokazuja dzieciom albumy ze zdjynciami, coby zmały historyjo swojij familije. Cofej tym autym, a jo ci byda pokazowoł, co niy wjedziesz do rantu. W telewizorze pokazowali dzisiej fajny film przirodniczy ô wilkach.

pokidać (sie) – pochlapać, pokapać (pol.)   Coś to robiōł, żeś całe galoty pokidoł świyczkōm. Dej pozōr, co se tej koszyle niy pokidzesz. Na dziecko dowōm pozōr, a ôna mie pokidała cały klajd.  

pokilać (sie) – połaskotać (pol.)   SI: Pokilej mie tak piyknie za uchym. PL: Połaskocz mnie tak ładnie za uchem.   SI: Mamo, a Zofijka mie pokilała po piyncie. PL: Mamo, a Zosia mnie połaskotała po pięcie.   SI: Co mie pokilało po nosie. PL: Coś mnie połaskotało po nosie.