Archives

drobniejszy – drobniejszy (pol.) Naôsiywej mi trocha piosku, bo potrzebuja taki drobniejszy do pucowanio. Tyn groch sam je drobniewjszy, jak tyn, co żech ôtok kupiyła.

drobny – drobny (pol.) Niy miała żech drobnych, tōż nic żech niy wciepła farorzowi do koszyczka. Były mi sie wysuły wszystki te drobne szrubki, tōż żech ich potym zbiyroł pół godziny. Jo niy poradza takich drobnych kartofli szkrobać.

drōcianny – druciany (pol.) Wejź drōcianno sztalbyszta, a ôpucuj to porzōndnie w tego marasu a rustu. Mosz sam kaj drōcianny hok, co bych se mōg tyn kibel powiesić na drabinie? Sam niy trza stawiać płota z emki, styknie zwykły ze siatki drōciannej, coby yno kury sam niy lazły.

drogi – drogi (pol.) Czamu zaś kupujesz taki drogi te jarziny, dyć na torgu mosz za pōł cyny. Niy kupuj takigo drogigo masła. Jo ci sprzedōm łacniejsze. Niy kupuj takich drogich strzewikōw, bo cie bydōm cisły.

drogszy – droższy (pol.) Latoś przed świyntami wszystko je dużo drogsze. Łōński rok kupiyli my kapry w markecie, ale niy były za dobre, tōż latoś chcymy kupić te drogsze z torgu. Wola kupić ta bormaszyna drogszo, ale pewno, z papiōrami.

drzewianny – drewniany (pol.) Pora lot tymu ludzie wymiyniali drzewianne ôkna na plastykowe, a terazki zaś nazod wprawiajōm drzewianne. We Rybniku je jeszcze pora starych drzewiannych kościołōw. Trza rozebrać ta staro drzewianno szopa, bo za chwila sie sama przewrōci.

dzisiejszy – dzisiejszy (pol.) W dzisiejszej gazecie pisało, że chcōm budować nowo droga. Ta dzisiejszo pogoda je jeszcze gorszo ôd wczorajszej. Wejź se te starsze jajca, z tego drugigo garca, bo te sam sōm dzisiejsze.

dziurawy – dziurawy (pol.) Jako ty to chodzisz w takich dziurawych fuzeklach? Coć mi to dała za dziurawy kibel? Jako to mōm w nim ta woda nosić? Na co to sam trzimiesz taki dziurawe garce?

dziwoki – dziki (pol.) Trefiōł żech dzisiej w lesie lotać dziwoko świnia. Tyn kot niy do ci sie chycić, ôn je za fest dziwoki. Cōż sie to stało z tōm kozōm, że je tako dziwoko ôstatnio?

dziwokszy – dzikszy (pol.) Tyn kot, zamias sie ôswojić, to je coroz to dziwokszy. Sam te ptoki sōm dziwoksze, jak u nas, tōż ci niy bydōm furgały pod nogami.