Archives

pozagryzać (sie) – pozagryzać (pol.) POL: pozagryzać, zagryźć więcej niż jedną sztukę zwierząt przez inne zwierzę, zwierzęta. np. przez kota, psa.   Koczka pozagryzala swiji małe. Dej pozōr, co ci te psy niy pozagryzajōm tych pilōnt. Musza wachować tych kurzōnt, bo tyn nasz kot mōg by ich wziōnś za ptoki a pozagryzać.

pozakazować (sie) – pozakazywać (pol.) POL: pozakazywać, zakazać więcej, niż jednej istocie czegoś.   Ôjcowie pozakazowali nōm chodzić po cimoku. Kedyś kōmpali my sie sam we stawie, ale bezmała terazki je sam woda zmazano, tōż ôjcowie pozakazowali nōm sie sam kōmpać. Piyrwej chodziyli my sam zbiyrać wōngel na hołda, ale tarazki tego pozakazowali.  

pozalepiać (sie) – pozaklejać (pol.) POL: pozaklejać, zakleić więcej, niż jedną rzecz, otwór, dziurę.   Kaj tyś to jeździyła na tym kole, po gwoździach?  Jo żech ci tam musioł trzi dziury pozalepiać we szlauchu. Pozalepiej dobrze te pisma, co tam kery niy bydzie ich po drōdze czytoł.

pozamiatać (sie) – pozamiatać (pol.) POL: pozamiatać, zamieść więcej rzeczy, większa powierzchnię.   Pamiyntej, że dzisiej je sobota a musisz plac pozamiatać. Tak, co potym za sobōm pozamiatocie, jak narozciepujecie.  

pozankinać (sie) – pozamykać na klucz (pol.) POL: pozamykać, zamknąć na klucz drzwi itp., więcej, niż niż jeden raz, lub, więcej, niż jedną sztukę.   Idźcie już, jo mōm czas na autobus, tōż sam wszystko pozankinōm. Chcioł żech już sam pozankinać, ale niy wiym, kaj je kłodka? Bydźcie sam grzeczne, a dobrze sie pozankinejcie a […]

pozapisować (sie) – pozapisywać (pol.)   Jo żech nas już pozapisowała na ta rajza do Warszawy bez lato. Mioł żeś se pozapisować, co wōm rechtorka koże prziniyś na jutro. Pozapisuj se, co mosz kupić, co zaś niy przidziesz nazod po prōznu.

pozaplotać (sie) – pozaplatać (pol.)   Pozaplotej te drōty tak, co kōńce niy bydōm tyczeć, kerego niy bodnōm. Pozapotała żech ci te warkocze tak, coby sie niy rozpuściyły same te włosy.  

pozaprawaić (sie) – zawekować (pol.) POL: zawekować, spowodować szczelne, podciśnieniowe zamknięcie słoików, poprzez ich odpowiednie podgrzanie, bez gotowania.   Trza pozaprawiać trocha tego miynsa na zima, bo terazki go je za dużo, a potym sie przido. Pozaprawiej te ôgōrki, yno tak, co ich niy przewarzisz za fest.  

pozasuwać (sie) – pozasypywać (pol.)   Wejź łopata a pozasuwej te dziury, co pies wykopoł, bo jeszcze kery szłapa złōmie. Mieli my sam wykopane dziury, zandgruby, kaj my piosek brali, ale już my to wszystko pozasuwali. Majōm nōm sam bezmała kłaś ruły z gulikami, a ranty przi drōgach pozasuwajōm.  

pozatōnkować (sie) – pozanurzać (pol.)   Musisz pozatōnkować te szruby we ropie, abo we pietruli, możno udo sie ich poôdkryncać. Dej pozōr, co se niy pozatōnkujesz rynkowōw w tej zupie. Pozatōnkowoł żech te zaruściałe tajle we ropie, a doczkōm, co z nich bydzie.