Archives

nastarać sie  – namartwić się (pol)   Co jo sie dycko nastarōm, jak ty idziesz do roboty, czy przidziesz cały nazod. Matka sie musi dycko dużo nastarać nad tym, co bydzie z jejij dzieciami. Wiysz ty, wiela jo sie musiała nastarać, jak cie niy było z roboty, a ty żeś siedzioł we szynku. Szanujcie trocha […]

nastrojić (sie) – nastroić, ubrać pięknie, ozdobić (pol.)   Jutro nastrojymy chojinka, bo we Wilijo niy bydzie na to czasu. Kaj sie to wybiyrosz, że żeś sie tak nastrojyła? Tata mo dzisiej Abrahama, tōż muszymy mu sam nastrojić piyknie ta izba, niż goście przidōm.    

nasuć (sie) – nasypać (pol.)   Nasuj mi sam łyżyczka cukru do tej bōnkawy. Wiela żeś to nasuł tego ôbiylo do tego miecha, dyć tego niy dźwigniesz. Nasujesz mi sam trocha kawy do szolki? Jutro jo prziniesa.  

nasuty – nasypany (pol.)   SI: Kawa już mosz nasuto do szolki, yno se jōm musisz zaloć wodōm. PL: Kawę masz już nasypaną do filiżanki, tylko musisz ją sobie zalać wodą.   PL: Cuker już mosz nasuty, yno pomiyszej. PL: Cukier masz już nasypany, tylko zamiesaj.

nasuwać (sie) – nasypywać (pol.)   Jo ci potrzimia miech, a ty nasuwej te kartofle z koszyka. Kery nasuwoł te ôbiyli do tego miecha? Czamu sam je tak pokowiato? Nasuwejcie se tej kawy do szolek, a jo wōm to zaleja wrawōm wodōm.    

naszkrobać – naobierać (pol.) POL: naobierać ze skórki ziemniaki, warzywa, owoce.   Przi wojsku trza było naszkrobać pora cyntōw kartofli na dziyń. Jo ci tam naszkrobała kartofle, yno musisz se ich potym przistawić a uwarzić. Kery to szkroboł te kartofle, ône majōm same ôczy?    

naszpanować (sie) – naprężyć, naciągnąć (pol.)   Naszpanuj mi ta sznōra na prani, bo już je tako naciōngnyto, że hned bydzie do ziymie siōngać. Je ta sznōra doś naszpanowano? Co te flizy prosto pokładymy.

naszporować (sie) – zaoszczędzić (pol.)   Jak kedy naszporuja, to wybiera się w rajza naôbkoło świata. Naszporuj, a kup se koło, to niy bydziesz musioł chodzić piechty tak daleko. Naszporujymy trocha, a pojadymy se na wczasy nad morze.  

naszrōtować – naśrutować, namielić śruty (pol.)   Wejź, naszrōtuj mi miech rże, bo niy mōm już szrōtu prosiyntōm. Musza yno naszrōtować miech szrōtu, a potym ci ta kosa naklepia.  

nasztelować (sie) – ustawić, nastawić, wyregulować (pol.)   Naszteluj tyn zygor, co niy zaśpiymy rano. Jo ci ta pralka naszteluja, yno jōm wrazisz do sztekra, jak przidziesz ze szkoły. Poradzisz mi nasztelowac motorcykel, coby mało polōł bynziny a dobrze jechoł? Naszteluj mi tyn telewizōr, cobych se mōg tyn mecz ôbejrzeć. Naszteluj mi tyn mobilniok tak, […]