Archives

ôdpocznyć (sie) – odpocząć (pol)   Doczkej, aż se siedna a chwia ôdpoczna. Dyć ôdpocznij se na chwila, bo żeś je cały czerwiōny. Jak se ôdpocznisz, to pomyj te talyrze po ôbiedzie.

ôdprawiać (sie) – urządzać, wyprawiać, obchodzić, celebrować (pol.) POL: (1) urządzać, wyprawiać, obchodzić rocznicę urodzin, ślubu itp.; (2) celebrować mszę.   Papiyż ôdprawioł mszo na lotnisku, a było tam praje milion ludzi. Wczora żech ôdprawioł urodziny, tōż dzisiej musioł żech jechać cugym do roboty. Jo latoś urodzin niy byda ôdprawioł, bo sie wybiyrōm na wczasy […]

odprawić (sie) – urządzić, wyprawić, obchodzić, celebrować (pol.) POL: (1) urządzić, wyprawić, obchodzić rocznicę urodzin, ślubu itp.; (2) celebrować mszę.   Jak ci farorz ôdprawi mszo, to mosz pōłtora godziny z głowy. Latoś ôdprawia urodziny na zegrodzie przi fojerze.

ôdrobić (sie) – odpracować (pol.) POL: odpracować, zwrócić pomoc koleżeńską; odpracować prezent, podarunek, dług.   SI: Pożyczej mi na paczka cygaretów, jutro przida ci to ôdrobić w polu. PL: Pożycz mi na paczkę papierosów, jutro przyjdę ci to odpracować w polu.   SI: Sōmsiod robi nōm na polu kōniym, tōż muszymy mu to iś ôdrobić […]

ôdrzyć (sie) – odrzeć, odrapać, okorować (pol.)   Ôtok schraniała żech po cimoku koło do garażu a ôdrzyłą żech se całe dźwiyrze we aucie. Ta skōra na tym drzewie musisz cołko ôdrzyć, bo ci sie chrobok do do tego. Coś to zaś narobiōł, żeś tak tyn łokeć ôdrzōł?

ôdskakować – odskakiwać, odpryskiwać (pol.)   Sam sōm taki kałuże, że musza sztyjc ôdskakować, co jedzie auto, coby mie niy popyrskało. Cōż to mosz za garce? Trocha wody żech w nim zgrzoła, a już glyjta ôdskakuje. Dej pozōr na ôczy, jak tym szmyrglym brusisz, bo te szplitry tak fest ôdskakujōm.  

ôdskoczyć – odskoczyć (pol.)   Ledwa zdōnżōł żech ôdskoczyć, bo bōł bych caly ôpyrskany. Tyn bal mi bōł tak ôdskoczōł a prosto we szyba. Kebych niy bōł ôdskoczōł, to by mie te auto było przejechało.  

ôdsmyczyć (sie) – odwlec; odciągnąć (pol.)   Wyszarpali my szofera a ôdsmyczyli my go na bok, bo bōłby zgoroł w tym aucie. Tyn pies dycko kajś ôdsmyczy ta swoja miska. Ôdsmyczcie te flaszki z gazym dalij ôd tego ôgnia.

ôdsuwać (sie) – odsypywać (pol.)   Ôdsuwejcie z każdego miecha po trosze sam na plała, bo takich ciynżkich niy zaniesiecie po schodach na gōra. Sam mosz prōzny koszyk, a ôdsuwej dō niego  z każdego koszyka po trosze, bo ône sōm za fest pokowiate.  

ôdszpōntować – odkorkować (pol.)   Ôdszpōntuj mi ta flaszka, bo niy poradza. Kery ôdszpōntowoł ta flaszka z winym?