Archives

ôdyńś – odejść (pol.)   Chłop bōł fest piōł, tōż baba wziyna dzieci a ôdeszła ôd niego. Tyn grocz gro we Gōrniku, ale możno latoś ôdyńdzie do Tychōw. Niy podobo mi sie sam , tōż szukōm inkszej roboy, a możno ôdyńda stōnd. Jeszcze roz przidziesz ôżarty a bydziesz robiōł haja, o ôdyńda ôd ciebie.   […]

ôdziubać (sie) – odziobać (pol.)   SI: Niy wypuś mi tych kurōw, aż mi zaś tych tōmatōw niy ôdziubiōm. PL: Nie wypuść mi tych kur, żeby mi znowu tych pomidorów nie odziobały.   SI: Te szpoki już praje całe te cześnie ôdziubały, chocioż sōm jeszcze niyzdrzałę PL: Te szpaki już prawie wszystkie te czereśnie odziobały, […]

ôdzywać sie – odzywać się (pol.)   Chcesz, to z  nim godej, jo sie niy ôdzywōm, bo niy chca haje. Kery sie to tam ôdzywo? Trza iś ôdbywać, bo gowiydź sie już ôdzywo we chlywie.

ôganiać (sie) – opędzać, zabiegać  (pol.)   Terazki, jak chłop je na pynzyji a niy poradzi nikaj przirobić, to je sie co ôganiać, coby stykło do piyrszego. Mi sie zdo przidzie deszcz, bo te krowy sie tak ôganiajōm ôd tych muchōw.  

ôginać (sie) – zginać, wyginać na czymś, wokół czegoś (pol.)   Wejż ta rułka a ôginej na nij te kōńce drōtu, coby narobić ôka. Jo dycko ôginōm tyn drōt na rułce colowej.    

ôglōndać (sie) – oglądać, przypatrywać się (pol.)   Tyn twōj synek już je taki wielki, hned sie bydzie za dziołchami ôglōndoł. Co to ôglōndosz za film? Ôglōndała żech te autobusy, tōż muszymy jechać  za piynć dwanoście, co zdōnżymy na ôbiod.

ôgnyć (sie) – zgiąć, wygiąć na czymś, wokół czegoś (pol.)   Muszymy ta rułka ôgnyć na prosty kōnt, ale tak, co jōm niy zgnietymy. Wejź, zagrzyj tyn drōt a ôgnij mi kōniec na ciepło, na taki fajne ôko. Jo tyn drōt ôgna sam na ôkolniku.

ôgolić (sie) – ogolić (pol.)   Starziku, dzisio je sobota, docie rady sie ôgolić? Wczora żech sie ôgolōł, tōż dzisio sie niy byda golōł. Doczkej, yno sio ôgola, a zarozki przijada po ciebie.

ôgrodzić (sie) – ogrodzić (pol.)   Piyrsze ôgrodzymy bauplac, a potym zacznymy ciepać grōnta a zwozić materyjo. Ôgrodza ta łōnka a bydzie tam szło barany paś. Ôgrōdź se tyn plac a niy puszczej mi kurōw na moja zegroda.    

ôgryź (sie) – obgryźć (pol.)   Kej żeś ôgryzła te jabko, tōż zjydz go całe. Niy zostawiej tym prosiyntōm tego korytka we chlywiku, bo zas go całe ôgryzły. Kery sam ôgryz tyn piernik a ôstawiōł?