Archives

ôgryzać (sie) – obgryzać (pol.)   Sam mosz kości, poôgryzej ich, a reszta dej psowi. Zaś ôgryzosz te pazury. Dej pozōr, co ta koza niy bydzie tej ćwikle ogryzała.  

ôheblować – oheblować (pol.)   Jak se kupia deski na delōwka, ôheblujesz mi ich? Sômsiod mi ôheblowoł pora desek, tōż zrobia ci tyn kwietnik. Ôhebluj mi jako szyrszo bola a zrōb mi fynsterbret do tego ôkna.

ôkapać (sie) – okapać (pol.)   SI: Wroź tyn paryzol do wanny, niech na chwila ôkapie. PL: Włóż tę parasolkę do wanny, niech na chwilę okapie.   SI: Jak te galoty trocha ôkapiōm, to ich dosz na kaloryfer. PL: Kiedy te spodnie trochę okapią, to powiesisz je na kaloryfer.  

ôkludzać (sie) – oprowadzać (pol.)   Jak dō mie przijyżdżo jaki kamrat, to dycko ôkludzōm go po Rybniku. Chłop ôkludzoł nas po muzeum, a ôpowiadoł nōm ô historyji. Ta baba ôkludziyła nas na wartko po mieście, a pokozała nōm roztomańte stare chałupy.    

ôkludzić (sie) – oprowadzić (pol.)   Przijedź kedy, to ôkludza cie po Ślōnsku. Ta baba ôkludziyła nas po gōrach. Łaziyli my tam pōł dnia. Ôkludź nas sam kōnsek, a pokoż, co sam mocie ciekawego.    

ôklupać (sie) – ostukać, otrzepać (pol.)   Ôklupej strzewiki, co niy naniesiesz starce śniega na tepich. Trza ôklupać tyn rust z zielaza przed sztrajchowaniym.

ôkocić (sie) – okocić, urodzić, rozmnożyć (pol.) POL: okocić się, urodzić się, rozmnożyć się zwierzęta, np. koty, psy, myszy, króliki, szczury, zające, owce.   Starce sie hned ôkoci koczka, to weznymy se małego kotka, coby nōm myszy chytoł. Ókociyła sie nōm ótok ôwieczka, a we chlywie je zima, tōż muszymy te małe trzimać w kuchni […]

ôkōmpać (sie) – wykąpać (pol.)   Ida sie ôkōmpać, a ty mi naszykuj co do jedzynio. Idymy sie ôkōmpać do jeziora? Jo żech sie już ôkōmpała, tōż terazki możesz iś ty. Jo sie ôkōmpia we wieczōr, bo jeszcze mōm robota w pywnicy.  

ôkraś (sie) – okraść (pol.)   Keryś urwoł kłodka a ôkrod szopa na budowie. Tela dobrze, że były tam yno łopaty a kara. Jedna cygōnka była mie zagadowała, a drugo mie ôkradła. Dej se pozōr na tego gizda, co cie zaś niy ôkradnie.  

ôkrodać (sie) – okradać (pol.)   Sztyjc nas sam keryś ôkrodo, tōż muszymy se na niego prziwachować. Policjanty chyciyły tego dioska, co sam te chałupy ôkrodoł. Cygōnka szła a ôkrodała chałupa za chałupom.