Archives

ôtruwać (sie) – truć wielokrotnie (pol.) POL: truć więcej, niż jeden raz, lub więcej, niż jedną istotę.   Keryś nōm sam już dłōgszy czas ôtruwo psy we wsi. Łōński rok nōm ôtruwali ryby we stawie, tōż latoś powiesiyli my kamery na strōmach a na razie mōmy pokōj. Keryś mi ciepie coś kurōm a ich ôtruwo. […]

ôtwiyrać (sie) – otwierać (pol.)   Niy ôtwiyrej ôkna, bo kopruchōw nalezie do izby. Kery zaś sam ôtwiyro te dźwiyrze? Jo ôtwiyrōm dźwiyrze, a ty mi ich zawiyrosz.        

ôtworzić (sie) – otworzyć (pol.)   Kerymu zaś sam je tak ciepło, że te ôkno ôtworzōł? Chciała żech ôtworzić dźwiyrze, ale sōm zamknyte. Ôtwōrz na chwila ôkno, niech sie przeluftuje, bo mi sie mlyko przipolyło.    

ôwijać (sie)  – owijać (pol.) POL: (1)  owijać coś wokół czegoś; (2) pakować np. papierem   Jo byda zawijała te rolady, a ty ich ôwijej niciōm, co sie niy ôdwinōm. Kery ôwijoł te rolady niciami? Dyć sam je chyba szpulka nici na tej rōladzie. Kere ksiōnżki to trza ôwijać na te geszynki?    

ôwinyć (sie) – owinąć (pol.)   Dej, ci ta ksiōnżka ôwina, co jōm niy zmażesz. Dej, ôwina ci tyn klajd, bo tak w rynce go niy poniesiesz. Dochtōr ôwinōł mi ta bolawo noga, a kozoł prziś zaś za trzi dni.  

ôzdrzeleć – dojrzeć (pol.) POL: dojrzeć owoce, warzywa.   Dyć doczkej, aż te tōmaty ôzdrzelōm na krzu a niy uruwej takich zielōnych. Te jabko by na strōmie ôzdrzelało, a tak go wyciepniesz. Dej tym wieprzkōm ôzdrzeleć a niy uruwej takich kwaśnych.

ôzprawiać – opowiadać (pol.) My radzi siedzymy a słōchōmy, jak nōm starzik ôzprawiajōm ô swojich młodych latach. Tata nōm dycko przed spaniym ôzprawio roztomańte bery a bojki. Legnij se, a jo byda ci ôzprawiać ô utopkach.

ôżrać (sie) – upić się (pol.); betrinken (ger.); opít se (cz.); get drunk (eng.)   Kej żeście go ôżarli, tōż teraz musicie go ôdkludzić do chałupy, bo ôn sōm niy dōńdzie. Niy ôżer sie zaś, co cie niy trza bydzie kludzić. Tak my sie tam ôżarli, że żodyn niy pamiynto, jako dudōm prziszoł.  

ôżynić (sie) – ożenić (pol.)   My by cie roz dwa były ôżyniyły, jak byś ty yno bōł nasz. Wejź się ôżyń, bo ty sie wykōńczysz tōm gożołōm. Jak jo sie yno ôżyniōł, to ôroz sie sam naskludzało tela młodych dziołchōw.

padać, wystąpić opad atmosferyczny (pol.)   Jak by tak jeszcze było padało ze dwa dni, to by nas sam wszystkich potopiyło. Pōdź wartko, bo za chwila bydōm krupy padały. Przed chwilom padała mrzawka, ale terazki słōńce świyci. Wczora padało, ale dzisiej je sucho. Bezmała jutro bydzie śniyg padoł. Wejź se paryzol, bo deszcz padze.