Archives

podziwać sie – popatrzeć, spojrzeć (pol.)   Była bych sie podziwała na te gardiny u Fridy, ale żech zapomniała. Podziwej sie, jak sie tam mroczy, a my mōmy siano na łōnce rozciepane. Tyn chłop sie na mie tak podziwoł, choćbych mu ôjcōw zabiōł.    

podziynkować – podziękować (pol.)   Podziynkowała żeś starce za ta szekulada? Podziynkuj ujcowi za to, że cie wziōn na te lody. Terazki musisz iś i podziynkować starzikowi za tyn geszynk.

pofarbić (sie) – pobarwić, pokolorować, pomalować na kolor (pol.)   Latoś pofarbiymy tyn płot na zielōno, bo tyn modry mi sie już brzidnie. Niy mocz tych biołych serwetōw do kupy z kolorowymi, bo ci sie pofarbiōm.  

poflancować (sie) – porozsadzać sadzonki warzyw (pol.)   Jutro trza poflancować tyn szałot, bo już je za fest wyrosnyty. Poflancowoł żech trocha ćwikle, ale jeszcze mi zostało połowa na jutro.

poflekować (sie) – poplamić (pol.)   Dej pozōr, co se galot niy poflekujesz tym jodłym. Z czego zaś sam ta delōwka je tako poflekowano? Jako żeście to jedli, żeście tyn serwet tak poflekowali?      

poflikować (sie) – połatać, pokleić (pol.) POL: połatać, pokleić np. dętkę, materac itp.   Ôtok żech ci poflikowoł tyn szlauch, a już zaś niy trzimie tyn luft. Prziwiyż te koło, to ci poflikuja tyn szlauch. Jo ci tyn madrac moga poflikować, ale na wodzie już tym pływać chyba  niy możesz.

poforskać (sie) – parsknąć,  prychać (pol.) POL: parsknąć śmiechem gwałtownie, prychnąć.   Niy rozśmiyszej mie, bo cie poforskōm. Jak żech usłyszoł, co tyn chłop godo za gupoty, to bōł bych sie poforskoł ze śmiychu.      

pofurgać – pofrunąć (pol.) POL: pofrunąć gdzieś dalej, na większą odległość.   Ôroz zaskrzeczało jakiś ptoszysko, porwało pila a pofurgało do lasa. Tyn boczōn mo złōmane krzidło, tōż latoś niy pofurgo na zima do ciepłych krajōw, bydzie sie lyczōł we Polsce.

pofutrować – pokarmić zwierzęta (pol.)   Niy zapōmnij pofutrować we wieczōr tych kozōw. Wciepnij im trocha siana, a jo se jutro ich zaś sōm poōdbywōm jak przijada. Pōdź mi pōmōc pofutrować ta gowiydź, we dwōch bydzie warciyj. Doczkej, yno pofutruja psy, a potym mogymy se siednyć przi piwie na zegrōdce.

pofyrtać – poszaleć, powariować, powygłupiać się (pol.)   Wczora my trocha pofytrali po szychcie we szynku z kamratami, tōż dzisio trza lecieć prosto dudōm. We sobota wybiyrōmy sie z mojōm na muzyka, tōż zaś trocha pofyrtōmy. Jo już bōł pofyrtoł doś w życiu za kawalera, tōż terazki trza se trocha dychnyć w dōma przi babie […]