Archives

popijać (sie) – popijać (pol.) POL: popijać, pić dużo i często.   Popijej dużo wodōm te tabletki. Jak ty tak bydziesz popijoł, to roz dwa cie z roboty wyciepnōm. To były czasy, jak my jeszcze w robocie trocha popijali.    

popilować (sie) – pośpieszyć się (pol.)   Kej byś bōł popilowoł, to by nas tyn cug niy uciyk, a niy musieli by my czakać na drugi. Popiluj, bo sie mroczy, a zamoknymy z tym sianym. Jak niy popilujecie z tōm robotōm, to filmu w telewizorze dzisiej niy bydzie.      

popleć (sie) – poplewić (pol.)   Musza popleć trocha te kwiotki, bo tam już w tych chaszczach niy widać, co tam rośnie. Wczora żech popleła te grzōndki , yno musisz posuć prochami a podloć, bo je fest sucho. Pōdź, poplejymy trocha w tej ćwikli.  

popluć (sie) – popluć (pol.)   Niy pluj pod wiater, bo sie poplujesz. Ny pluj przi ludziach, bo to ni ma piyknie, jeszcze kogo poplujesz.  

popłynyć (sie) – popłynąć (pol.)   Chcioł bych kedyś popłynyć kajakym po rzyce Rudzie. Bez lato chcymy najōnć łōdka a popłynyć na rajza po Bałtyku.    

popływać (sie) – popływać (pol.)   Jo rod chodza sam na woda popływać w zalywie. Ty se sam leż, a jo se ida popływia. Rod bych popływoł we wodzie, ale musza doczkac, aż mi tyn gips symnōm z nogi.    

popochać (sie) – napsocić, narozrabiać (pol.)   Co żeś to zaś popochoł, że mama musi jutro iś skuli ciebie do szkoły? Dej pozōr na te dzieci, co sam co niy popochajōm.  

popodginać (sie) – popodginać, podgiąć (pol.) POL: popodginać, podgiąć więcej niż jedną sztukę czegoś.   Wejź popodginej te drōty pod spodek, aż sie kery niy bodnie.  

popodgryzać (sie) – popodgryzać (pol.) POL: popodgryzać, podgryźć więcej, niż jedną sztukę czegoś.   Trza te tulpy sadzić w zieleźnych koszach, co ich nornice niy popodgryzajōm. Suka po ôkocyniu popodgryzała wszystki małe.  

popodsuwać (sie) – popodsypywać (pol.)   Trza popodsuwać ziymie sam pod chałupa, coby ta woda leciała w drugo strōna.