Archives

dziewiytnoście – dziewiętnaście (pol.); neunzehn (ger.); devatenáct (cze.); nineteen (eng.)   Zigusiowi je już dziewiytnoście lot, tōż bōł we stowce, a idzie latoś ku wojsku. To już je dziewiytnoście lot, jak starka umrzyli. Jak tyn czas wartko leci.

dziewiytnosty – dziewiętnasty (pol.); neunzehnte (ger.); devatenáctý (cze.); nineteenth (eng.)   Nasz starzik narodziyli sie jeszcze we dziewiytnostym wieku. Pamiyntj ô tym, że dziewiytnostego mosz iś do dochtora, aż zaś tego niy przepasiesz.    

jedyn – jeden, jakiś, pewien (pol.); ein (ger.); jeden (cze.); one (eng.)   Wejź se jedne jabko, bo jo mōm dwa. Przidź nazod ô jednej, bo bydzie ôbiod. Dała mi to jedna baba, że mōm wōm to ôddać. Mōm yno jedne strzewiki, bo te drugi mi wczora przemokły a sie suszōm.    

jedynoście – jedenaście (pol.): elf (ger.); jedenáct(cze.); eleven (eng.)   Wiela to mōmy tych kurōw, aż ich policza, czy kerej niy brakuje? Jedynoście. Już je jedynoście, tōż goś tyn telewizōr, bo trza iś spać. Ty już mosz jedynoście lot, tōż musisz mamie pōmogać.

jedynosty – jedenasty (pol.); elfte (ger.);  jedenáctý (cze.); eleventh (eng.)   Jutro ida na jedynosto do kościoła, bo rano mi sie niy chce stanyć Czamu żeś te „jedynoste” galoty ôblyk,dyć tam mosz tela starych. Jedynostego listopada bzmała Poloki majōm swoji świynto.    

ôsiym – osiem (pol.); acht (ger.); osm (cze.); eight (eng.)   Szychta trwo ôsiym godzin, tōż szanuj se siyły, co ci ich niy braknie. Syndzia dzielōł tak kartkami, że jedni skōńczyli we ôsmiu, a drudzy we dziewiynciu  

ôśminoście – osiemnaście (pol.); achtzehn (ger.); osmnáct (cze.); eighteen (eng.)   Zeflik je już ôśminoście lot stary, tōż pado, że je majerantny, a niy chce słōchać ôjcōw. Urznij mi taki kōnsek lajstki, ôśminoście cyntymetrōw dłōgi. Tyn synk woży już ôśminoście fōntōw a rośnie choćby na drożdżach.

ôśminosty –  osiemnasty (pol.); achtzehnte (ger.); osmnáctý (cze.); eighteenth (eng.)   Ôśminostego września jadymy na rajza do Ôpola. Kożdy miesiōnc, po ôśminostym, trefiōmy sie sam we szynku na szkata. Poczytej se na ôśminostej strōnie.

ôsmy – ósmy (pol.); achte (ger.); osmý (cze.); eighth (ger.)   Dostali my bilety we ôsmej raji, tōż niy wiym, czy bydymy co widzieć. Jutro mōm na ôsmo tōż musza stować ô siōdmej.

piōnty – piąty (pol.); fünfte (ger.); pátý (cze.); fifth (eng.)   Latoś już piōnty roz jadymy bez lato do Brynnej. Już piōnte ôkno myja, tōż jeszcze mi dwa ôstały. Za piōntym razym mi sie udało zrobić te prawo jazdy.