Archives

nacyganić – nakłamać (pol.)   Sprōbuj, a zaś co nacygōn tatowi na mie. Kery nacyganiōł rechtorowi, że jo ôdpisuja zadani? Joch była nacyganiyła mamie, żech była z tobōm na muzyce, tōż sie ji niy wygodej.

nacylować (sie) – namierzyć, utrafić (pol.)   Pōmōż mi nacylować tymi szrubami do dziurōw, bo sōm tego niy poradza poprzikryncać. Chłop bōł taki ôżarty, że niy poradziōł nacylować kluczym do dziurki, tōż musieli my mu go wziōńś, bo by my tam byli zamarzli na dworze. Ty se chyć ta rułka na końcu, a jo ci […]

nadepnyć (sie) – nadepnąć (pol.)   Dej pozōr, co niy nadepniesz na na te kwiotki. Nadepnōł żech po bosoku na cwek, a wloz mi do piynty. Dej pozōr, bo kot ci leży pod nogami, co na niego niy nadepniesz.

nadeptać (sie) – nachodzić, nabrudzić butami (pol.) POL: (1) nachodzić się; (2) nabrudzić butami, narobić śladów.   Robia za brirtregra, a tela sie w robocie nadepca, że w dōma je żech rod, jak se moga siednyć. Siedź sam, aż te flizy uschnōm, co mi tam niy nadepcesz. Kery mi sam zaś nadeptoł na tym tepichu […]

naderznyć – nadciąć (pol.) POL: czytaj „nader-znyć”   Naderznij yno trocha ta asta, a potym jōm pociōngnymy powrozym. Co za gizd naderznōl tyn żbel w drabinie? Chcecie, żeby sie kery roztrzas? Naderznij yno trocha tyn drōt, a potym go złōmej.

nadjechać – nadłożyć drogi, podjechać (pol.) POL: nadłożyć drogi, podjechać w jakieś miejsce.   Ekstra mi sam kozoł nadjechać z roboty,  a ônego niy ma w dōma. Nadjedź sam jutro po drodze, to wōm dōm krupniokom ze zbijanio. Jo tam nadjada, jak pojada do sklepu, to pogodōmy.  

nadjyżdżać – nadkładać drogi, podjeżdżać (pol.)   Jo dycko po szychcie nadjyżdżōm do mojich ôjcōw po mlyko ôd krowy do synka. Jo byda nadjyżdżoł po ciebie, ale musisz mi sie dociepnyć do bynziny. Jedyn tydziyń jo nadjyżdżōm pō niego, a drugi tydziōn ôn nadjyżdżo pō mie.  

nadmuchać (sie) –  nadmuchać (pol.)   Starziku nadmuchejcie mi tego balona, bo jo niy poradza. Dej, ci nadmuchōm tym madrac.    

nadrobić – nadrobić (pol.)   SI: Majster, dejcie mi na jutro wolne, a jo przida we sobota a to nadrobia. PL: Szefie, proszę mi dać jutro wolne, a ja przyjde w sobotę i to nadrobię.   SI: Wczora uciykli my warciyj  z roboty na mecz, tōż dzisiej z rana muszymy popilować a to nadrobić, niż […]

nadychać sie – nawdychać się (pol.)   Na jesiyń nad morzym idzie sie nadychać dużo jodu. Bōł żech dzisio w lesie na szpacyrze, a nadychol żech sie dużo jodu. Bez zima w mieście idzie sie nadychać yno kurzu z kōminōw.