Archives

nafilować – nafaszerować, wprowadzić nadzienie (pol.)   Kej niy chcesz krepli z marmeladōm, tōż nafiluja ci ich pudingym. Te kluski nafilowała żech miynsym, tōż we piōntek niy bydymy ich jeś. Nafilujymy trocha krupnioków do strzewōw.    

nafolować – naładować, napełnić (pol.)   Nafoluj mi tyn fojercojg gazym. Nafolujymy miechy sianym a zawiezymy do lasa sornikōm. Jo nafoluja te kotlaty grzybami.  

nafulać – napleść bzdur (pol.)   Coś to zaś ty giździe nafuloł ô mie tej mojij starej? Jeszcze roz nafulosz co mojij mamie, to se pogodōmy inakszy. Niy słōchej jōm, bo ôna dycko coś nafulo, a potym sie tego wyprze.  

nafutrować – nakarmić zwierzęta (pol.)   My idymy z tatōm do starki, a ty mosz nafutrować we wieczōr krowa a prosia. Nafutrowoł żeś wczoraj te kaczki, abo  żes zapōnioł? Pōdź, nafutrujymy teraz ta gowiydź, bo za chwila je mōj film we telewizorze.    

nagarusić – nabałaganić (pol.)   Kery zas sam tak nagarusiōł w tej kuchmi a niy pomōł za sobōm? Możesz sie uczyć piyc ta zista, yno niy nagaruś sam za fest. Jak bydziesz tak garusiyła w tej kuchni, to cie sam wiyncyj niy puszcza.  

nagrać (sie) – nagrać (pol.)   SI:Na drugi roz, jak bydziesz tak fuloł ôżarty, to cie nagrōm, a na drugi dziyń ci to puszcza. PL: Następnym razem, kiedy będziesz plótł takie bzdury pijany, to cię nagram, a następnego dnia ci to włączę.   SI: Nagrej mi tyn film, jo se go ôbejrza, jak przida z […]

nagrować (s9e) – nagrywać (pol.)   SI: Jo se byda nagrowała tyn film, a potym se ôbejrza wszystki ôdcinki do kupy, jak byda miała czas. PL: Ja będę sobie nagrywała ten film, a później zobaczę sobie wszystkie odcinki, kiedy będę miała czas.   SI: Niy nagrowej mie, bo jo niy poradza śpiywać. PL: Nie nagrywaj […]

nahajcować – napalić, nagrzać (pol.)   Nahajcuj we piecu, co mi te prani wartko uschnie. Kery zaś tak fest nahajcowoł, że sam niy idzie wysiedzieć? Jak przida ze szychty, to musza piyrsze nahajcować, coby w chałupie było ciepło.  

najmować – wynajmować (pol.) POL: wynająć kogoś do jakiejś czynności, lub coś od kogoś, albo komuś.   Jo już autym niy jeżdża, tōż żech go sprzedoł, a garaż najmuja sōmsiadowi, My dycko najmowali miszmaszyna ôd sōmsiada, ale latoś kupiyli my swoja. Jo biylić niy poradza, tōż dycko najmuja malyrza, a mu płaca.

najōnć – wynająć (pol.)   Najōn żech se chłopa, co mi sam przi chałupie połozy flizy na placu. My już niy chowiymy gowiedzi, a pole my najyni sōmsiadowi. Najyni my se szofera, coby nas zawiōz na muzyka a nazod.