Archives

namacać (sie) – wyczuć dotykiem palcōw (pol.)   Terazki żech dziepiyro namacała, kaj to mosz ta grucza. Poświyć mi sam kołkami, bo niy poradza namacać tego szaltra. Doczkej, aż namacōm ta klamka.

namarasić (sie) – nabłocić, nabrudzić (pol.)   Bowcie sie, yno niy namaroście tam za fest. Jak namarasicie, to bydziecie za sobōm wychraniać. Kery sam tak namarasiōł?

namaścić (sie) – natłuścić (pol.)    

namawiać – namawiać (pol.)   Jo ci niy byda dziołchōw namawiałą, sōm se musisz poszukać. Jo cie dłōżyj namawioł niy byda, jak sie zdecydujesz, to sōm przidziesz. Jo go namawiōm, żeby szol zy mnōm na prawo jazdy, ale niy chce mie słōchać.

namazać (sie) – nasmarować (pol.)   Namazoł żech ci keta we kole, yno dej pozōr, co nogawice niy zmarasisz. Namoż te dźwiyrze, co niy bydōm tak piszczały. Namazała żeś ta forma przed wlociym ciasta?

namiyszać (sie) – namieszać (pol.)   Po co żeś slazowoł z tego rynsztōnku, dyć jo bych ci bōł namiyszoł tej malty. Namiyszej mi jeszcze trocha tego kleju, bo mi zostały dwie flizy do przilepiynio. Musza se namiyszać trocha prochōw do wody, a popodlywać te grzōndki we wieczōr.

namoczyć (sie) – namoczyć (pol.)   Namocz trocha chleba a wciepej kurom, niech dziubiōm. Wieczōr żech była namoczyła prani, tōż musza się chytac pranio, a niy przi kawie klachać. Namocz wartko ta bluza, możno tyn flek puści. Jo se namocza prani, a ty musisz mi na rano wody nagrzoć do pranio.  

namōwić – namówić (pol.)   Muszymy ci namówić jako frela, co zaczniesz chodzić na zolyty a niy do szynku. Możno namōwia Ele, żeby szła zy mnōm na muzyka, bo mama mie samej niy puści. Namōw Antka, żeby szoł jutro zy mnōm chytać ryby.

namyślać się – namyślać się (pol.) POL: zastanawiać się, rozważać sprawę przed podjęciem decyzji.   Namyślej sie wartko, czy chcesz jechać, bo bilety sie kōńczōm. Ty sie musisz dycko namyślać trzi dni.    

namyśleć sie – namyśleć się (pol.) POL: zastanowić się, przemyśleć sprawę przed podjęciem decyzji.   Namyślyła żeś sie już, czy chcesz iś zy mnōm na ta muzyka? Namyśl sie, a dej mi znać. Jo sie jeszcze musza namyśleć.