Archives

naplōmpać (sie) – napompować (pol.)   Jo ci naplōmpia luftu, tōż tela zajedziesz do sklepu, a potym ci polepia tyn szlauch. Wczora żech naplōmpoł luftu do wszystkich kōłek, a dzisiej we dwōch zaś je za mało. Poradzisz mi naplōmpać tyn madrac gymbōm, bo niy mōm takij luftplōmpy?      

napluć – napluć (pol.)   Kery sam napluł do tego aszynbechra?  

napochać – narozrabiać, napsocić (pol.); mach viel Unfug (ger.); make a lot of mischief (eng.); dělat hodně špatnosti (cz.)   Bydźcie grzeczni, co sam co niy napochocie. Jo ida do sklepu, a za chwila przidzie tata, yno niy napochejcie sam co. Jak co napochosz, to ôdy mie dostaniesz, bo ci godōm, że niy mosz gupnyć. […]

naprać sie – upić się, napracować się przy praniu (pol.) POL: (1) upić się; (2) napracować się przy praniu.   Tela żech sie wczoraj naprała tych poszwōw, że dzisio rynkōw niy czuja. Niy lyj mi wiyncyj, jedyn keliszek mi styknie, bo bych sie naprała. Kaj żeś sie to zaś tak naproł?      

naprany – pijany (pol.)   Wczora widzioł żech napranego Antka, jak sie płota trzimoł. Kożdo noc chodzōm mi sam naprani pod ôknym, a śpiywajōm. Po „Dniu Kobiet” chodziyło sam kole nas dużo napranych babōw.  

naprościć (sie) – naprostować (pol.)   Muszymy ta rułka trocha naprościc, bo je krziwo. Pōdź, naproszczymy dyszel, a pocisnymy ta fōra kōnsek do przodku.  

napuścić (sie) – napuścić (pol.) POL: napuścić wody, gazu do instalacji.   Napuść wody do cyntralnego a zahajcuj, bo już je chłodno. Napuściōł żeś tej wody do kibla, bo majōm zakryncić?  

napuszczać (sie) – napuszczać (pol.) POL: napuszczać wody, gazu do instalacji.   Ty napuszczej wody do cyntralnego, a jo byda sie dziwoł, czy kaj niy ciecze. Poradzisz napuszczać gaz do auta? Napuść mi luftu z kōmpresora do tego madraca, yno dej pozōr, co niy puknie.

narazić (sie) – nałożyć, przykryć (pol.) POL: nałozyć coś od góry, pokrywę, wieko, przykryć   Niy zapomnij narazić tej klapy na studnia nazod, aż  tam kere dziecko niy wleci. Tyn szranczek trza narazić na szrank ôd wiyrchu, aniy cofać z boku, bo tam sōm taki drzewianne kołki. Naroź se ta czopka bardziyj na uszy, bo […]

narobić (sie) – napracować, spowodować (pol.) POL: (1) napracować się; (2) wyprodukować; (3) spowodować wypadek, nieszczęście   SI: Jo żech sie tela narobiyła przi tych grzōndkach, a tyś mi tam puściōł kury a wszystko rozgrzebały. PL: Ja się tyle napracowałam przy tych grządkach, a ty wpuściłeś tam kury i wszystko rozgrzebały.   SI: Co żeś […]