Archives

ôdfurgnyć – odfrunąć (pol.)   Te szpoki niy bojōm sie niczego. Możesz strzylać, straszyć, to ôdfurgnōm kōnsek, a zarozki sōm nazod. Te cukrōwki niy bojōm sie ludzi. Ôdfurgnie tako meter a sie dziwo.    

ôdfurgować – odfruwać wielokrotnie (pol.) POL: odfruwać więcej niż jeden raz, lub więcej niż jedna sztuka.   Te ptoki ôdfurgujōm pora metrów, a zarozki sōm nazod. Tyn boczōń ôdfurguje a przifurguje, tam a nazod. Coś sie musiało stać.

ôdganiać (sie) – odganiać (pol.)   Dycko musza ôdganiać sie kijym, coby mie gōnsiōr niy poszczypoł. Ôdganiōm sie gazetōm przed kopruchami. Stoja a ôdganiōm ptoki, aż kury trocha podziubiōm, co im niy zeżerōm tych ziorek.  

ôdginać (sie) – odginać (pol.) POL: (1) odginać od siebie, na zewnątrz; (2) odginać, prostować coś zagiętego.   Ôdginej te gwoździe a jo ich byda wybijoł. Jo ôdginōm te drōty, co kery sie niy bodnie.    

ôdgrodzić (sie) – odgrodzić (pol.)   Ôdgrodziyli my sie ôd sōmsada, coby nōm jego gowiydź po placu niy lotała. Ódgrodziōł żech szczyrk ôd osiotego piosku. Ôdgrodza we grōdzy wielki kartofle ôd drobniokōw.    

ôdjechać – odjechać (pol.)   Przispoł żech dzisiej, a autobus mie ôdjechoł, tōż prziszol żech za niyskoro do roboty. Ciotka już ôdjechała nazod do Niymiec, tōż mogymy se dychnyć. Ôdjedź kōnsek tym trachtorym, bo sam na drōdze stojisz.  

ôdjyżdżać – odjeżdżać (pol.)   Przidź w sobota do szynku, trza sie napić, bo za tydziyń ôdjyżdżōm ku wojsku. Baba jutro ôdjyżdżo do sanatorium, tōż potym byda mioł pora dni fraj. Wlazuj do tego cuga, bo ôn ôdjyżdżo za piynć minut.  

ôdkludzać (sie) – odprowadzać (pol.)   Niy starejcie sie, bo chłop ôdkludziōł wszystki dziecka, tōż wasza ceta tyż ôdkludzi. Niy pij wiyncyj, a ciōng ku chałupie, bo żodyn cie niy bydzie ôdkludzoł. Jo dycko ôdkludzôm baba ku autobusie, jak mo na noc.      

ôdkludzić – odprowadzić (pol.)   Starziku siedźcie, my was za chwila ôdkludzymy. Ôdkludź ta dziołcha, bo tam już je cima na dworze. Trza bydzie go ôdkludzić, bo ôn sōm niy zōńdzie dudōm.    

ôdkryncać (sie) – odkręcać (pol.)   Ôdkryncej już pomału te szruby, yno ich niy potroć. Kery ôdkryncol te kōko? Kaj sōm szruby z niego? Ódkryncej te szruby, yno ich niy pouruwej.