Archives

ôpłacać (sie) – opłacać (pol.)   Jô ôpłacōm zwiōnzki na grubie, tōż dziecka dostowajōm paczki na świynta. Mie sie niy ôpłaco kupować bileta na autobus na cały miesiōnc, bo jeżdża yno dwa tydnie. Jo żech ôpłacała ubezpieczyni za sia, tōż dostała żech pora złotych, jak żech se rynka złōmała, a kupiyła żech se za to […]

ôpłacić (sie) – opłacić (pol.)   Musza iś do farorza ławka ôpłacić, bo już je po nowym roku, a jo zapōmniała. Już je tela godzin, tōż niy ôpłaci mi sie iś dudōm, wleza do kościoła a doczkōm te pōł godziny do msze.  

ôpowożyć sie – odważyć się (pol.)   Jo bych sie niy ôpowożyła jechać na takim karasolu. Ani sie niy ôpowōż pōńś z dōmu, bo już niy mosz po co przichodzć nazod. Mozno sie kedy ôpowoża wlyź do fligra, ale bydzie z tym ciynzko.

ôprać (sie) – oprać (pol.) POL: wyprać komuś wszystkie brudne rzeczy.   Jo was wszystkich niy ôpiera, bo swoja robota tyż mōm. Starka dycko zdōnżyli a wszystkich ôprali, a wy niy poradzicie zdōnżyć ze swojim praniym.

ôprzyć (sie) – oprzeć (pol.)   Pōdź, ôprzij sie sam ô tyn filor, to ci się bydzie lepszy stoło. Kaj żeś to zaś ôprzōł ta łopata ô ta chałupa.                                 9

ôpucować (sie) – otynkować, oczyścić (pol.) POL: (1) otynkować, pokryć tynkiem; (2) oczyścić z brudu, błota, kurzu.   Przidziesz mi ôpucować tyn kōmin na gōrze, bo muszymy tam hned siano kludzić? Ôpucujcie se te strzewiki, co zaś jutro przi niedzieli niy bydziecie ich pucować. Sam mosz kartacz a ôpucuj se te galoty.  

ôpyrskać (sie) – opryskać, spryskć, ochlapać (pol.)   Cofnij sie trocha, bo byda podlywoł, co cie niy ôpyrskōm. Niy doł żech pozōr, tōż mie auto całego ôpyrskało. Niy stōj tak blisko szosyje, bo cie auta ôpyrskajōm.      

ôpyrskować (sie) – opryskiwać (pol.) POL: opryskiwać, pryskać więcej, niż jeden raz, lub więcej, niż jedną rzecz.   Jutro byda ôpyrskowoł kartofle skuli stōnek, tōż moga tyż twoji ôpyrskać. Terazki trza ôpyrskować wszystki jarziny, abo na jaki chrōbska, abo na chroboki, a potym to muszymy wszystko jeś. Latoś ôpyrskowoł żech te cześnie na chroboki, tōż […]

ôpytać (sie) – opytać, wypytać (pol.)   Jo sie ôpytōm, czy sam kery mo bager, coby te grōnta wykopoł. Ôpytej sie starzika, tak „bez kwiotek”, co by chcieli dostać na te urodziny. Jo sie ôpytōm babōw, kero by ci mōgła ôgrzoć syra, abo nazbiyrać jajec na tyn kołocz.      

ôrać (sie) – orać (pol.)   Jutro byda ôroł pole, tōż ci tyż zôrza ta zegrōdka. Ôroł żech pole, ale zaczło sie blyskać a rzgmieć, tōż żech sie musioł skryć dudōm.