Archives

poprzezywać – ponarzekać, pomarudzić (pol.) POL: ponarzekać na coś, pomarudzić   (poprzezywać na coś, ale sprzezywać kogoś)   Niy starej sie, starzik radzi poprzezywajōm na ta robota, ale sprawiōm ci te srzewiki. Nō, już żeś poprzezywoł na ta pogoda, tōż terazki sie ôblykej a leć do tej szkoły.  

poprzibijać (sie) – poprzybijać, przybić (pol.) POL: poprzybijać, przybić więcej, niż jeden raz, lub więcej, niż jedną rzecz.   Ledwa żech poprzibijoł te sztachety, to zaś ich keryś powyruwoł. Wejż, poprzibijej te bole, bo za chwila sie kero cofnie, a poslatujymy. Jo poprzibijōm jeszcze te pora gwoździ, a ty zacznij już schraniać.

poprziciskać (sie) – poprzyciskać (pol.)   Poprziciskej ta plała kamiyniami, coby jōm wiater niy porwoł.    

poprziganiać (sie) – poprzypędzać, przypędzić  (pol.)   Wejź Zofijki a poprziganiejcie te krowy z łōnki. Poprziganiej te kury sam na trowa, aże mi sie niy dajōm tam kaj do grzōndkōw.

poprziginać – poprzyginać, przygiąć (pol.) POL: poprzyginać, przygiąć więcej, niż jeden raz, lub więcej, niż jedną rzecz.   Wejź, poprziginej mi te asty a jo poôbiyrōm te cześnie. Poprziginōmy te sam te asty, a bydymy ôbiyrać

poprziglōndać sie  – poprzyglądać się (pol.)   Poprziglōndoł żech sie tymu żebrokowi, bo mi sie zdało, żech go już kajś widzioł. To je mi sie zdo tyn, co nōm kedyś koło ukrod. Byda musioł z tym iś na Policyjo. Starziku poprziglōndejcie sie tym zdjynciōm, możno tam jeszcze kogo poznocie? Jutro sie poprziglōndōm tymu twojimu autu. […]

poprzilepiać (sie) – poprzyklejać, przykleić (pol.) POL: poprzyklejać, przykleić więcej niż jeden raz, lub więcej, niż jedną rzecz.   Pokoż, co ci sie to sam poprzylepiało na tyn mantel? Trza dować pozōr, co nōm zaś sam niy porzilepiajōm przed welōnkym  jakich papiōrōw na płot. Wejż, a poprzilepiej te zdjyncia do albōma, co sie  kaj niy […]

poprzinosić (sie) – poprzynosić, przynieść (pol.) POL: poprzynosić, przynieść więcej niż jeden raz, lub więcej niż jedną sztukę czegoś.   Idź, poprzinoś te pierziny z dworu, co niy zmoknōm. Była bych poprzinosiyła te koszyki z kartoflami z pola, ale musiała żech sie chycić warzynio. Poprzinoście mi sam zmazane koszule, bo byda prała za chwila. Poprzinoście […]

poprzisuwać (sie) – poprzysypywać, przysypać (pol.)   Wejź, poprzisuwej te fleki z ôleju podwiyl mama niy widzi tego. Trza poprzisuwać te hasi ziymiōm a posioć tam jako trowa.

poprziwiōnzować (sie) – poprzywiązywać, przywiązać (pol.)   Wejź, poprziwiōnzuj ta siatka do ôkolnikōw, co niy bydzie tak wisieć. Jo poprziwiōnzuja tyn kabel do gelyndra, co niy bydzie leżoł na schodach.