Archives

dosiōngnyć (sie) – dosięgnąć (pol.) POL: dosignać do jakiegoś celu, punktu.   Ty niy dosiōngniesz do tego zwōnka, tōż musisz zaklupać na dźwiyrze. Dej mi sam jaki patyk, bo niy dosiōngna do tej asty, coby wōm tyn bal ściepać. Musza iś po drabina, bo niy dosiōngna do tej lampy, coby ta byrna wykryncić.  

doskakować – doskakiwać (pol.)

doskoczyć – doskoczyć (pol.) Ani niy wiym kedy tyn pies bōł doskoczōł ku mie, a chyciōł mie za nogawica. Zdōnżyła żech yno doskoczyć, a chycić jōm za rynka.

dosłyszeć (sie) – dosłyszeć (pol.) Jo niy dosłysza, tōż musisz godać trocha głośniyj. Kej bych cie bōł dosłyszoł, to być sie bōł ôbrōciōł. Starzik niy dosłyszōm, tōż musisz im do ucha godać.

dosolić (sie) – dosolić (pol.) Dosōl se ta zupa, jak mosz małosłōno. Była bych dosolyła te kartofle, ale mi soli brakło. Dosolicie se sami do smaku te frytki?

dostać (sie) – otrzymać, dosięgnąć, dotrzeć (pol.) POL: (1) otrzymać coś; (2) dosięgnąć do jakiegoś poziomu; (3) dotrzeć do jakiegoś miejsa. Dostoł żech na Dzieciōntko fuzekle. Mi sie zdo te Dzieciōnto mo jakoś fabryka fuzekli, do kożdy rok dostowōm fuzekle. Kery doł tak wysoko te krauzy na tyn wiyrchni fach? Dyć jo tam niy dostana. […]

dostać za droga – dostać napiwek (pol.) Zaleć mi po gazeta do budki, a dostaniesz za drōga. Dostaniecie za drōga, jak mi prziniesiecie pōł fōnta masła ze sklepu. Chcesz dostać za drōga? Zaleć starzikowi na pole ze śniodaniym.

dostawiać – dostawiać (pol.) Dostow sam jeszcze ze dwa stołki, bo zaczyno brakować miejsca. Dostawiymy sam jeszcze jedyn stōł a wszyscy sie pomieszczōm.

dostawić (sie) – dostawić (pol.) Dostawi sie dwie ławy i bydzie dlo wszystkich. Muszymy dostawić pora stołków, co niy braknie.

dostować (sie) – otrzymywać, dosięgać (pol.) POL: (1) otrzymywać coś; (2) dosięgać. Jo dyko dostowōm ôd niego karta na świynta. Jo niy dostowōm jeszcze do ôkna. tōż nic niy widza. Ôd terazka byda dostowoł dycko ôd taty koło, coby jechać na tryning ôd fuzbalorzy.