Archives

dosuć (sie) – dosypać (pol.) Jo już tam dosuła cukru do biksy, tōż możesz se pocukrować. Dosuj mi sam trocha cymynto, bo mōm ta malta jakoś rzodko. Była bych ci tam dosuła mōnki, ale musza jōm piyrsze przesioć.

dosuszyć (sie) – dosuszyć (pol.) Pozbiyrej te prani ze sznōry, bo na dworze już je właga, tōż dosuszymy go w dōma. Chciała żech yno dosuszyć na wartko ta kecka, a ôna mi zmokła na nowo. Dzisiej dosuszymy jeszcze te siano, a jutro bydymy go kludzić do stodoły.

dosuwać (sie) – dosypywać (pol.)   Na co jeszcze dosuwosz tej kawy, dyć jo żech ci już tam nasuła dwie łyżyczki? Niy dosuwej już do tych miechōw, bo już terazki ich niy idzie dźwignyć.    

dosychać – dosychać (pol.) Ta koszula jeszcze dosycho, tōż niech jeszcze na chwila wisi na sznōrze. Te nudle już dosychajōm, trza ich wartko kroć, bo za chwila zacznōm sie łōmać.

doszukać (sie) – doszukać (pol.) Tak dłōgo żech szukała, aż żech sie doszukała tych papiōrōw, co mi trza. Niy poradza sie doszukać paryzola. Niy widzieliście go kery?

doszyć (sie) – doszyć (pol.) Starko, doszyjcie mi sam taki szlajfki na rogach, co byda umiała to zawiōnzać na maszka. Jo ci sam doszyja do tych gardinōw taki szajbki ze spodku. Jeszcze rynkowy musza doszyć do tego klajda a bydzie gotowy na jutro.

dotknyć (sie) – dotknąć (pol.) Jeszcze roz dotkniesz tego zgrzadła, to dostaniesz szmata a bydziesz go pucowoł. Niy ôpowōrz sie dotknyć tej dziołchy, bo bydziesz mioł zy mnōm do czyniynio. Niy dotknij do tej świyczki, bo sie spolisz.

dotykać (sie) – dotykać pol.) Niy prōbuj sie dotykać tego mojigo hefta. Niy dotykej sie tego mojigo kōmputera, bo zaś mi tam co posztelujesz.

dować – dawać (pol.) Niy dowej mu tych nożyczkōw, bo se zrobi krziwda. Jo niy dowōm żebrokowi piniyndzy. Mogą mu kupić żymła. Jako mōnka dowosz to tego ciasta?

dować pozōr (sie) – uważać, zwracać uwagę (pol.) Dowej pozōr, co te dziecka co niy napochajōm. Kej byś bōł dowoł pozōr, bo byś sie niy pokidoł tōm zupōm. Pamiyntej, że mosz dowac pozōr na drōdze.