Archives

mianować – nazywać (pol.)   Jako sie mianuje tyn film, co ôglōndosz we wtorki? Jako sie były mianowały te pierniki, co my jadły wczora ku bōnkawie? Jako sie mianowało te miasto, co my byli latoś na wczasach?  

mieć (sie) – mieć (pol.)   Jo kedyś miała malucha, terazki mōm Punto, a kedyś byda miała Mercedesa. Latoś byda mioł Abrahama, tōż baba ôbsztelowała już sala na fajrowani. Kej bych bōł mioł urlop, to pojechoł bych latoś nad morze.    

mieć strach – bać się; obawiać się; lękać się (pol.) Mōm strach, że zacznie padać, jak mie w dōma niy bydzie, tōż wola prani pozbiyrać ze sznōry. Mōm strach, że pies  kerego ugryzie, tōż trzimia go na lańcuchu. Mōm strach, że niy zōnda za daleko piechty, tōż niy wybiyrōm sie sōm  do lasa.    

mieć w zocy – poważać, szanować, darzyć szacunkiem (pol.)   Jo se to mōm fest w zocy, że mōm takigo kamrata. Jo żech miała dycko w zocy Naszego Papiyża, Jana Pawła.    

mierzić (sie) – mierzyć (pol.)   Musza se dziynnie mierzić cuker, bo mōm cukrzica. Jako sie to mierzi te grubości desek? Jo żech już to wczoraj mierziła, a mōm to kajś popisane.  

mierznyć sie – nudzić się (pol.) POL:  czytaj: mier-znyć; mier zło.   Jak ci sie kedy bydzie mierzło, to podziwej sie na ta lyjtkolba, co z niōm je. Wziōm bych was na mecz, ale tam by sie wōm mierzło. Zaś ci sie mierznie, tōż cie sie gupoty trzimiōm.      

mijać (się) – mijać, omijać, wymijać (pol.)   Mijej te dziury, a niy wjyżdżosz do pojstrzodka. Ôtok żech go mijoł na drōdze, tōż musi jeździć do roboty. Dycko sie mijōmy na drōdze, jak jo jada do roboty, a ôn już jedzie nazod.  

minyć (sie) – minąć, wyminąć, ominąć (pol.)   Mina ta krziżōwka i tam cie potym wysadza. Minōł żech dzisio na drōdze farorza, jak na kole jechoł. Chcioł żech przeskoczyć kałuża, ale żech sie minōł a wpod żech do pojstrzodka. Chcioł żech wyciepnyć papiōrek do hasioka, ale żech sie minōł a polecioł na trownik.    

mitrynżyć – mitrężyć, tracić, marnować (pol.)   Pōł dnia żech czakała, mitrynżyła żech czas u dochtora, a na kōniec żech sie niy dostała. Chyć sie roboty, a niy mitrynż czasu przi tymu kōmputerze. Mieli my ladować piosek na prziczepa, mitrynżyli my trzi godziny, a trachtōr niy przijechoł.

miynić – zmieniać, rozmieniać (pol.)   Baba koże mi latoś miynić płot przi chałupie, bo brzmała tyn stary już ni ma modny. Tyn Gerad miyni te auto, choćby rynkawiczki. Panoczku, pomożecie mi, dostałach pana, a niy wiym, jako sie te kōłka miyni?