Archives

miynknyć – mięknąć (pol.)   Kartofle zaczynajōm już miynknyć, jeszcze chwila ich powarza, a byda ich cedziyła.

miyszać (sie) – mieszać (pol.)   Miyszej ta zupa, jak sujesz grysek, co niy narobisz kluskōw. Ta farba musisz miyszać roz za czas. Miyszała żeś już ta kawa, bo chca se łyżyczka wziōnś?

miyszkać – mieszkać (pol.)   Piyrwej miyszkała żech na wsi, a terazki miyszkōm w mieście. W tej chałupie miyszkały już nasze starziki a prastarziki. Jo sam miyszkōm już dwadziyścia lot, a niy znōm wszystkich sōmsiadōw.

miyszkać kōmorōm – kwaterować, wynajmować pokōj (pol.)   Sztudyrowała żech we Krakowie, a miyszkały my z kamratkōm kwatyrōm w jednej izbie. Ôn nigdy niy mioł swojij chałupy, yno cołki życi miyszkoł kōmorōm, a kludziōł sie sam a tam. Jak sam kole nas robiyli nowo droga, to te robotniki miyszkały u nas kōmorōm pōł roku.

mlackać – mlaskać (pol.)   Zawiyrej gymba, jak jysz, co niy bydziesz mlackała. To, że chłop jod we kinie, to mi niy zawodzało, ale zaczōn tak mlackać, że niy było słyszeć, co godajōm w tym filmie. Przi jodle sie niy mlacko, bo to niy ma piyknie.  

mleć (sie) – mielić (pol.)   Zmiel mi maku, to zrobia makōwki na niedziela. Suche żymły trza mlec na tarto bułka. Piyrwej bōnkawa kupowało sie we ziorkach, a trza było jōm mleć we młynkach. Dzisiej kawa kupuje sie już zemleto.  

młōcić (sie) – młócić (pol.)   Piyrwej żniwa trwały miesiōnc, trza było siyc, kludzić, młōcić, a terazki kombajn robi to za pół godziny. Niyroz młōciyli my w nocy, jak prziszło na nas dran przi maszynie. Maszyna jechała od chałupy do chałupy, a młōciyło sie i w niedziela, jak trefiyło,

mōc – móc (pol.)   Jo mogą iś na muzyka, ale niy wiym, co baba powiy. Mōgły by my i ôd jutra zacznyć te szkubani, ale zacznymy ôd pyndziałku. Jak byda mogła, to przida wōm pōmōc, ale niy wiym, na kero chłop mo szychta.

moczyć (sie) – moczyć (pol.)   Tyn gornek sie moczy, bo żech go przipolyła. Mocza te prani, bo jutro byda prała. Dej pozōr, jak lejesz woda do kibla, bo mi flizy moczysz.

moknyć – moknąć (pol.)   Czamu tak mokniesz, a niy weźniesz se paryzola? Schowej te koło, niech niy moknie na tym deszczu. Idymy sie skryć, niy bydymy moknyć na deszczu.